नाशिक - आयुर्वेद, युनानी, सिद्धा आणि होमिओपॅथी शाखांतील एमडी, एमएस, पीजी डिप्लोमा आदी शिक्षणक्रमांत शैक्षणिक वर्ष २०१९-२० मध्ये प्रवेशासाठी प्रवेश परीक्षा द्यावी लागणार आहे. ‘ऑल इंडिया आयुष पोस्ट ग्रॅज्युएट एंट्रन्स टेस्ट’साठी (एआयएपीजीईटी) नावनोंदणीला सुरवात झाली आहे. इच्छुकांना १५ जूनपर्यंत ऑनलाइन अर्ज करता येतील.
‘नॅशनल टेस्टिंग एजन्सी’तर्फे (एनटीए) ही परीक्षा होत आहे. प्रवेशाचे वेळापत्रक व शिक्षणक्रमाचे माहितीपत्रक संकेतस्थळावर आहे. परीक्षा १४ जुलैला घेतली जाणार आहे. ही परीक्षा संगणकावर आधारित अर्थात ऑनलाइन असणार आहे. अन्य कुठल्याही महाविद्यालय, संस्था, विद्यापीठांना प्रवेश परीक्षा घेण्याची परवानगी नसल्याने या परीक्षेला महत्त्व प्राप्त झाले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.