Nandurbar News : मित्रांसोबत पोहण्यास गेलेल्या मुलाचा नदीत बुडून मृत्यू

Nandurbar News : मित्रांसोबत गोमाई नदीपात्रात पोहण्यासाठी गेलेल्या २० वर्षीय तरुणाचा बुडून मृत्यू झाल्याची घटना सोमवारी (ता. ९) दुपारी घडली. ( boy death by drowning nandurbar news )

पूज्य साने गुरुजी विद्याप्रसारक मंडळाच्या औषधनिर्माणशास्त्र पदविकेच्या द्वितीय वर्षात शिक्षण घेत असलेला प्रतीकेश विश्वनाथ पाटील (रा. चिखली, ह.मु. विद्याविहार, ता. शहादा) मित्रांसोबत दरा फाट्याजवळील गोमाई नदीतील पांडवलेणी भागात पोहण्यासाठी गेला होता.

पाण्याचा अंदाज न आल्याने तरुणाचा पाण्यात बुडून मृत्यू झाला. त्यास शासकीय रुग्णालय शहादा येथे दाखल केले असता डॉक्टरांनी मृत घोषित केले. रात्री उशिरापर्यंत पोलिसांकडून तपास सुरू होता. प्रतीकेश एकुलता मुलगा होता. कुटुंबीयांकडून तरुण मुलाचा मृत्यू झाल्याची वार्ता कळताच शोककळा पसरली.