सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
Dhule News : भारत जोडो न्याययात्रेच्या माध्यमातून धुळ्यात पोचणारे काँग्रेस नेते खासदार राहुल गांधी, काँग्रेस सरचिटणीस प्रियंका गांधी यांच्यासह देशभरातील, राज्यातील प्रमुख काँग्रेस नेत्यांच्या उपस्थितीत धुळ्यात १३ मार्चला भव्य महिला मेळावा होत असून, आगामी काळातील काँग्रेस पक्षाचे महिलाविषयक धोरणदेखील जाहीर होणार असल्याची माहिती काँग्रेस नेत्या प्रतिभा शिंदे, जिल्हाध्यक्ष श्यामकांत सनेर यांनी पत्रकार परिषदेत दिली. (Dhule Mahila Mela in presence of Rahul Priyanka Gandhi)
काँग्रेस नेते राहुल गांधी यांच्या भारत जोडो न्याययात्रेच्या जिल्ह्यातील कार्यक्रमांच्या अनुषंगाने काँग्रेस पदाधिकाऱ्यांनी शुक्रवारी (ता. ९) बाजार समितीत पत्रकार परिषदेत माहिती दिली. मणिपूर येथून सुरवात झालेली खासदार राहुल गांधी यांची भारत जोडो न्याययात्रा १२ मार्चला महाराष्ट्रात प्रवेश करत आहे.
यात महाराष्ट्रात प्रवेश करत असताना सीमेलगत असणाऱ्या देवमोगरामाता मंदिरात श्री. गांधी दर्शन घेऊन महाआरती करतील. त्यानंतर ही यात्रा नंदुरबार येथे पोचून तिथे जाहीर सभा होईल, तर रात्री दोंडाईचा येथे मुक्कामाला ते पोचतील. माजी खासदार बापू चौरे, माजी आमदार डी. एस. अहिरे, वसंतराव सूर्यवंशी.
किसान काँग्रेसचे प्रदेश उपाध्यक्ष उत्तमराव देसले, तालुकाध्यक्ष भानुदास गांगुर्डे, कार्याध्यक्ष दीपक साळुंके, शहराध्यक्ष सचिन सोनवणे, किसान काँग्रेस जिल्हाध्यक्ष श्यामकांत भामरे, पंचायत समिती सभापती शांताराम कुवर.
सदस्य रमेश गांगुर्डे, प्रज्योत देसले, प्रवीण चौरे, गणेश गावित, नंदकुमार खैरनार, याकूब पठाण, सागर देसले, कपिल जाधव, संदीप भोये, पंकज सूर्यवंशी, पी. एस. पाटील, अविनाश शिंदे, कुंदन गांगुर्डे आदींसह पदाधिकारी, कार्यकर्ते उपस्थित होते.
क्रांतिस्मारकाला अभिवादन
१३ मार्चला धुळ्याकडे यात्रा मार्गस्थ होईल. यादरम्यान चिमठाणे येथील क्रांतिस्मारकाला अभिवादन करण्यात येणार आहे. धुळे शहरात कॉर्नर सभा होऊन, १३ मार्चला खासदार राहुल गांधी, सरचिटणीस प्रियंका गांधी यांच्यासह देशभरातील व राज्यातील काँग्रेसच्या प्रमुख पदाधिकारी, नेत्यांच्या उपस्थितीत भव्य महिला मेळावा होणार आहे.
हिला मेळाव्यात काँग्रेस पक्षाचे महिला धोरण देखील जाहीर केले जाणार असल्याने या ऐतिहासिक सभेस जिल्हाभरातून हजारोंच्या संख्येने महिलांसह काँग्रेस पदाधिकारी, कार्यकर्त्यांनी सहभागी होण्याचे आवाहन प्रतिभा शिंदे यांनी केले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
