Dhule News : धुळे शहराचे मुख्य चौक होणार होर्डिंगमुक्त! अनधिकृत फलकधारकांना ४८ तासांची नोटीस

धुळे: शहरातील मुख्य चौक होर्डिंगमुक्तच हवेत. तसेच कागदपत्रांची पूर्तता न करणाऱ्या, कर न भरणाऱ्या होर्डिंगधारकांना ४८ तासांची नोटीस द्यावी आणि कागदपत्रांच्या पूर्ततेसह थकीत रक्कम न भरल्यास संबंधितांची होर्डिंग अनधिकृत समजून काढून टाका, असे आदेश महापालिका आयुक्त तथा प्रशासक नितीन कापडणीस यांनी अधिकाऱ्यांना दिले. तसेच अनधिकृत नळ व अनधिकृत ड्रेनेज कनेक्शनधारकांना डिमांड नोटीस देऊन ते अधिकृत करून घ्यावे, असे निर्देशही त्यांनी दिले.