Dhule Municipality News : थकबाकीदार 108 गाळेधारकांना अखेरची नोटीस, जप्तीचा इशारा

Dhule Municipality News : जिल्हा क्रीडासंकुल व गरुड मैदान येथील सुमारे १८० थकबाकीदार गाळेधारकांना अंतिम नोटीस बजावली आहे. लवकरात लवकर भाडे भरले नाही तर गाळा सील करण्याचे नोटिशीत नमूद केले आहे. भाडेपट्टा करारनामा न करणाऱ्या गाळेधारकांचे गाळे जप्त करण्याचा इशाराही दिला आहे. जिल्हा क्रीडा कार्यालयांतर्गत येणाऱ्या शहरातील गरुड मैदान व देवपुरातील जिल्हा क्रीडासंकुलातील व्यापारी संकुलातील बहुतांश गाळेधारकांनी मासिक भाडे भरलेले नाही. (Dhule Municipality Final notice confiscation warning to 108 defaulters)

त्यामुळे थकबाकीची रक्कम वाढली आहे. शिवाय काहींनी अनामत रक्कमही भरलेली नसल्याने थकबाकीची रक्कम सुमारे ५० लाखांपर्यंत पोचली आहे. वारंवार नोटीस बजावूनही गाळेधारकांकडून प्रतिसाद मिळत नाही. आता या गाळेधारकांना अंतिम नोटीस बजावण्यात आली आहे. ज्या गाळेधारकांनी भाडेपट्टा करारनामा केला नाही.

अशा गाळेधारकांनाही नोटीस बजावण्यात आली आहे. संबंधित गाळेधारकांना नोटिशीद्वारे ३१ मार्च २०२४ पर्यंत अंतिम मुदत देण्यात आली होती. (latest marathi news)

त्यातील काही जणांनी पैसे भरले आहेत. मात्र, बहुतांश गाळेधारकांनी याकडे दुर्लक्ष केले आहे. मुदतीत जे गाळेधारक मासिक भाडे व अनामत रक्कम भरणार नाहीत तसेच भाडेपट्टा करारनामा करनामा करणार नाहीत.

त्यांचे गाळे जिल्हा क्रीडासंकुल समितीमार्फत जप्त करण्यात येतील, असा इशारा नोटिशीद्वारे देण्यात आला आहे. लवकरात लवकर भाडे भरले नाही तर गाळे सील केले जाणार आहेत.