Bharat Jodo Nyay Yatra : दोंडाईचामध्ये भारत जोडो यात्रेची तयारी पूर्ण

Bharat Jodo Nyay Yatra : खासदार राहुल गांधी यांची भारत जोडो न्याय यात्रा शहरात दाखल होत आहे. यात्रेनिमित्त येथील अप्पासाहेब मैदानावर यात्रेची तयारी पूर्ण झाली आहे. मंगळवारी (ता.१२) सायंकाळी चारला राहुल गांधी यांचे नंदुरबार चौफुलीवर स्वागत करण्यात येईल. त्यानंतर रात्री मैदानावर यात्रेचा मुक्काम असेल. (Dhule Preparations for Bharat Jodo Yatra completed in Dondaicha)

बुधवारी (ता. १३) सकाळी साडेसातला शहरातील निर्मल चौकापासून भारत जोडो न्याय यात्रेला सुरुवात होईल. शहरातील प्रमुख मार्गावरून यात्रा पुढे जाईल अशी माहिती काँग्रेस कमिटीचे जिल्हाध्यक्ष श्‍यामकांत सनेर यांनी दिली.

दरम्यान जिल्हा काँग्रेस कमिटीचे अध्यक्ष श्री. सनेर यांच्यासह पदाधिकारी यांनी यात्रेच्या तयारीची पाहणी केली. यावेळी आघाडीच्या पदाधिकाऱ्यांनी तयारीची पाहणी केली.

यावेळी युवक प्रदेश सरचिटणीस राहुल माणिक, वसंत कोळी, कल्लु पठाण, हेमराज पाटील, हुसेन बोहरी, मुन्ना खाटीक, शिवसेना जिल्हा उपप्रमुख शाना सोनवणे, शैलेश सोनार आदी उपस्थित होते.