Dhule Election : धुळे निवडणुकीसाठी आयोगाचे कडक नियम! मतदान केंद्राजवळ गर्दी, तंबू आणि मद्यवाटपावर सक्त मनाई

धुळे: शिरपूर आणि पिंपळनेर (ता. साक्री) नगर परिषद व शिंदखेडा नगरपंचायतींच्या निवडणुकांचा प्रचार आता अंतिम टप्प्यात आला आहे. राज्य निवडणूक आयोगाने मतदानाचा दिवस शिस्तबद्ध, शांततेत आणि सुव्यवस्थेत पार पाडावा यासाठी उमेदवार, राजकीय पक्ष व कार्यकर्त्यांना स्पष्ट सूचना दिल्या आहेत. मतदान केंद्रांभोवती अनधिकृत गर्दी, तंबू उभारणी, वाहनवापर आणि मद्यवाटपावर सक्त मनाई करण्यात आली आहे.