Dhule News : तळमाथा तलावाला डबक्याचे स्वरूप; मे हीटचा तडाखा! कापडणेत पाणी फाउंडेशनने काढला होता गाळ

Dhule News : येथील नांद्रा फाटा रस्त्यालगत तळमाथा म्हणूस छोटा तलाव आहे. हा तलाव दुष्काळातही आटत नाही. त्याला तळपाणी असल्याचे सांगितले जाते. मात्र यंदाच्या दुष्काळाने तळ गाठला आहे.
The appearance of a puddle in the Kapdane Talmatha Lake.
The appearance of a puddle in the Kapdane Talmatha Lake.esakal

कापडणे : खानदेश मार्च आणि एप्रिल हीटनंतर आता मे हीटचा तडाका सहन करीत आहे. दुष्काळाच्या दाहकतेची झळ साऱ्यांनाच बसत आहे. मोठे पाण्याचे स्रोतही आटले आहेत. विहिरी व कूपनलिकांनी तळ गाठलाय. ऐन उन्हाळ्यात पशु-पक्ष्यांची तहान भागविणाऱ्या ‘तळमाथा तलावाला’ डबक्याचे स्वरूप आले आहे. डबक्यातले पाणी दूषित झाले आहे. या तलावाचे खोलीकरण पाणी फाउंडेशन टीमने केले होते. (Dhule Talmatha Lake became puddle May heat rise)

येथील नांद्रा फाटा रस्त्यालगत तळमाथा म्हणूस छोटा तलाव आहे. हा तलाव दुष्काळातही आटत नाही. त्याला तळपाणी असल्याचे सांगितले जाते. मात्र यंदाच्या दुष्काळाने तळ गाठला आहे. येत्या आठ-दहा दिवसांत तलावातील डबकेही आटेल. तीव्र उष्णता आणि जोरदार वाहणाऱ्या वाऱ्यामुळे बाष्पीभवनाचा वेग वाढलाय. परिणामी पाण्याचे स्रोत वेगाने आटत असल्याचे भागवत पाटील यांनी सांगितले.

तळमाथ्याचा काढलाय गाळ

२०१९ मध्ये पाणी फाउंडेशन टीमने या तळमाथ्यातील गाळ काढला होता. त्याचे खोलीकरण बरेच झाले होते. येथील गाळ शेतीसाठी उपयुक्त ठरला होता. मेच्या पहिल्या आठवड्यात पुन्हा येथील गाळ काढणार असल्याचे फाउंडेशनचे प्रा. जगन्नाथ पाटील, नवल पाटील, दत्तात्रेय पाटील, जिभो पाटील, रामकृष्ण पाटील, जिजाबराव माळी, विठोबा माळी, दीपक बोरसे, अमोल बोरसे, संतोष एंडाईत आदींनी सांगितले. (Latest Marathi news)

The appearance of a puddle in the Kapdane Talmatha Lake.
Jalgaon Water Crisis : ‘मे हिट’च्या तडाख्याने भूजल पातळीत घट! बहुतांश भागात 2 ते 3 मीटरने खालावली

लोकसहभाग वाढावा

धुळे जिल्हा तीव्र दुष्काळ अनुभवत आहे. दुष्काळाशी मुकाबला करण्यासाठी ग्रामपातळीवर ग्रामस्थांनी लोकसहभागातून गाळ काढण्याच्या कामासाठी पुढे आले पाहिजे, अशी अपेक्षा जाणकारांमधून व्यक्त होत आहे.

The appearance of a puddle in the Kapdane Talmatha Lake.
Water Crisis: जगातील २.२ अब्जांहून अधिक लोकसंख्येला पिण्याचे पाणी सहज उपलब्ध नाही; जाणून घ्या पाण्याचे वास्तव

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com