Market Committee Election : धडगाव कृषी उत्पन्न बाजार समितीची निवडणूक बिनविरोध

Nandurbar News : धडगाव येथील कृषी उत्पन्न बाजार समितीची पंचवार्षिक निवडणूक बिनविरोध झाली असून अर्ज माघारीच्या दिवशी अनेकांनी माघार घेतल्याने निवडणूक निर्णय अधिकारी के. एन. गावित यांनी निवडणूक बिनविरोध घोषित केली. (Election of Dhadgaon Agricultural Produce Market Committee unopposed nandurbar news)

बिनविरोध निवड झालेल्या १८ सदस्यांमध्ये शिवसेनेचे सात, काँग्रेसचे सात व भाजपचे चार सदस्य आहेत.

बिनविरोध निवडून आलेले उमेदवार असे :

सर्वसाधारण गटातून खेमा पराडके, छगन पाडवी, फेंदा पावरा, वाण्या पावरा, केल्ला वळवी, विजया पावरा, वसंतीबाई वळवी. सर्व साधारण शेतकरी गटातून जामसिंग पराडके, धनसिंग पावरा. शेतकरी महिला राखीव गटातून गिरणाबाई पाडवी, पिट्टीबाई पावरा. अनुसूचित जमाती गटातून सुनील पाडवी.

हेही वाचा : संतुलित आहारातून रोखा फॅटी लिव्हरचा आजार

इतर मागासवर्गीय वर्गातून गोडमबाई पाटील. अनु जाती- जमाती गटातून वारकीबाई वळवी. आर्थिक दुर्बल घटक शेतकरी गटातून ईश्वर पावरा. सर्वसाधारण व्यापारी व आडत्या गटातून कैलास मोरे, दिलवरसिंग पावरा, सर्वसाधारण हमाल तोलारी गटातून राकेश पावरा यांची बिनविरोध निवड झाली आहे.