पिंपळनेर : सामोडे (ता. साक्री) येथे गुरुवारी रात्री दोन गटांत हाणामारी झाली. पिंपळनेर पोलिसांत परस्परविरोधी तक्रारी दाखल झाल्या असून, त्यानुसार आठ जणांवर गुन्हा दाखल करण्यात आला आहे. राजेंद्र शंकर शिंदे (वय ५६) यांनी दिलेल्या तक्रारीनुसार, त्यांना वेणूबाई शंकर शिंदे, रेखा दीपक शिंदे, विशाल दीपक शिंदे, तुषार दीपक शिंदे यांनी शिवीगाळ, दमदाटी करत काठीने डोक्यावर मारून जखमी केले.
पत्नी व मुलाला देखील बुक्क्यांनी मारहाण करण्यात आली. त्यात त्यांच्या पत्नीच्या गळ्यातील सोन्याची पोत तुटून नुकसान झाले. परस्परविरोधात रेखाबाई दीपक शिंदे (वय ४२) यांनी दिलेल्या तक्रारीत म्हटले आहे, की, राजेंद्र शंकर शिंदे, लुकेश राजेंद्र शिंदे, सुरेखा राजेंद्र शिंदे व सुनील भिकन शिंदे यांनी अंगणात येवून वाद घातला. राजेंद्रने काठीने मारहाण केल्याने रेखाबाई या जखमी झाल्या. चौघांनी शिवीगाळ करीत ठार मारण्याची धमकी दिली. याप्रकरणी पिंपळनेर पोलिसांत दोघांनी परस्परविरोधी तक्रार दाखल केली असून, पुढील तपास एएसआय बी. आर. पिंपळे करीत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.