मुंबई-आग्रा महामार्गावर अपघातात पाच ठार, तीस जखमी

नाशिक : मुंबई-आग्रा महामार्गावरील पिंपळगाव बसवंतजवळील शिरवाडे फाटा येथे आज (रविवार) सकाळी दोन आयशर टेम्पोची समोरासमोर धडक होऊन झालेल्या भीषण अपघातात 5 जण ठार, तर 30 जण जखमी झाले.

नाशिक येथील टाकळी राहुल नगर येथील स्वप्निल कांडेकर याच्या मुलाचा जावळाचा कार्यक्रम केंद्राई देवस्थान (ता.चांदवड) येथे असल्यामुळे नातेवाईकासह हे सर्व जण आयशर क्रमांक (MH.16 Q 3570) या वाहनाने जात असताना पिंपळगाव बसवंत येथुन सात किलोमीटर अंतरावर सकाळी 11:30 वाजता सदर आयशर हा चांदवड दिशेने चालला होता. त्यावेळी समोरून विरूद्ध बाजुने अज्ञान वाहनाने हुलकावणी दिल्याने सदरचा आरशर रस्ता ओलांडून विरूद्ध दिशेच्या रत्यावर गेला असता याच वेळी समोरून भरधाव वेगाने येणारा आयशर टेम्पो क्रमांक (MR.09 GT 2028) याने धडक दिली. या अपघाताची त्रिवता मोठी होती. नाशिकहुन जाणारी आयशरची अवस्था खुप अस्तावस्त झाली. या आयशरमध्ये बसलेले सुशिला सुरेश गवळी (वय 66), निवृती रामभाऊ लोंढे (वय 70), शोभा जगन्नाथ सुर्यवंशी (वय 60) हे जागेवरच ठार झाले. तर सुदाम पाटनकर (वय 66) हे उपचार दरम्यान मयत झाले. हे सर्व नाशिकचे रहिवाशी असून, समृद्धी डांगे (6 महिने) हिचाहि उपचारादरम्यान म्रुत्यु झाला असुन आयशरमधील अन्य तीस जण जखमी झाले.

पिंपळगाव बसवंत येथील राधाकृष्ण, धन्वंतरी, ओम हाॅस्पीटलमध्ये त्यांच्यावर उपचार सुरू आहेत. आयशरच्या मागील बाजु बसलेले सर्व जण धडकेमुळे वाहनातुन बाहेर फेकले गेले होते. या अपघातात आयशरचा मागील भाग पुर्ण पणे छिन्न विछिन्न झाला होता. सदर अपघाताची नोंद पिंपळगाव पोलिस ठाण्यात करन्यात आली असुन पुढील तपास करत आहे.