Nandurbar : विकास कामांसाठी 5 कोटींचा निधी मंजूर

नंदुरबार : राज्य शासनाने स्थानिक स्वराज्य संस्थांच्या परिक्षेत्रात नागरी सेवा व सुविधांची कामे करण्याकरीता नंदुरबार नगरपरिषदेच्या प्रभाग क्रमांक १४ व १८ या दोन प्रभागांमधील विविध विकास कामांसाठी पाच कोटी रुपयांचा निधी मंजूर केला आहे.

सदर निधी राज्याचे मुख्यमंत्री एकनाथ शिंदे (Eknath shinde) व उपमुख्यमंत्री देवेंद्र फडवणीस (Devendra Fadanvis) यांनी विशेष प्राधान्य देऊन मंजूर केला असून, यासाठी आ. डॉ. विजयकुमार गावित यांनी केलेल्या पाठपुराव्याला यश आले आहे. (Fund of 5 crores sanctioned for development works Nandurbar Latest Marathi News)

महाविकास आघाडीच्या (Mahavikas Aghadi) अडीच वर्षाच्या कार्यकाळात नंदुरबार शहराचा सर्वांगीण विकास थांबला होता.

भाजप-शिवसेना युतीचे सरकार आल्यानंतर मुख्यमंत्री म्हणून एकनाथ शिंदे यांनी तर उपमुख्यमंत्री म्हणून देवेंद्र फडवणीस यांनी शपथ घेतल्यानंतर कार्यभार सांभाळला असून, राज्यातील नगरपरिषद क्षेत्रातील विकास कामांसाठी निधी मंजूर करून आर्थिक साहाय्य केले आहे.

प्रभाग क्रमांक १४ व १८ या दोन्ही प्रभागांमध्ये विविध विकास कामांना चालना मिळणार आहे. आ. डॉ. विजयकुमार गावित यांच्या पाठपुराव्याला यश आल्याने नंदुरबार नगरपरिषद प्रभागांच्या कामांसाठी निधी मंजूर झाला आहे.