Dhule Rain Update : कापडणे, वडणे, निकुंभे परिसरात मुसळधार; उर्वरित पेरण्यांना येणार वेग

Dhule Rain Update : धुळे तालुक्यात एकादशीला पावसाने जोरदार सलामी दिली. त्यानंतर पुन्हा पावसाने आठवडाभर दडी दिली. आता पुन्हा पावसाने पुनरागमन केले. आता तालुक्यात जोरदार पावसाने पुन्हा हजेरी लावली आहे. (heavy rain in Kapadne Vadane and Nikumbhe areas dhule news)

शुक्रवारी(ता.७) कापडणे, वडणे व निकुंभे परिसरात मुसळधार पाऊस झाला. या पावसाने जमीन तृप्त झाली आहे. आता खऱ्या अर्थाने येत्या आठवडाभरात उर्वरित पेरण्या पूर्णत्वास येतील.

धुळे तालुक्यात एकादशीला पाऊस झाला. काही भाग कोरडाच होता. एक लाख सात हजार ८०० हेक्टर क्षेत्रापैकी ४४ हजार ३९९ हेक्टर क्षेत्रात पेरण्या झाल्या होत्या.

हेही वाचा : Credit Card फसवणूक....काय घ्याल काळजी?

केवळ ४१ टक्के पेरण्या झाल्या. आता पुन्हा पावसाने जोरदार हजेरी लावली आहे. ठिकठिकाणी जोरदार कोसळला.

तब्बल एक महिना उशिरा पेरण्या

यंदा मृग कोरडा गेला. आता एकादशीलाच पाऊस पडेल, ही आशा खरी ठरली. एकादशीला बहुतेक भागात पाऊस झाला. तर उर्वरित भागात आज धो-धो कोसळला. आता उर्वरित ५६ टक्के पेरण्यांना वेग येणार आहे. कोरडवाहू शेतकऱ्यांनी उशीर झाल्याने मका पेरणीस प्राधान्य देत आहेत.