Nandurbar Crime News : कोपर्लीतून 42 लाखांचा अवैध मद्यसाठा जप्त

नंदुरबार : कोपर्ली (ता. नंदुरबार) येथे वीज वितरण कंपनीच्या सबस्टेशनच्या मागील बाजूस असलेला ४२ लाख रुपये किमतीचा अवैध मद्यसाठा पोलिसांनी जप्त करीत दोन जणांवर गुन्हे दाखल केले आहेत. ही कारवाई शनिवारी रात्री अपर पोलिस अधीक्षक नीलेश तांबे यांनी पोलिस ताफ्यासह केली. (Illegal liquor stock worth 42 lakh seized from Koparli Nandurbar Crime News)

First Paralympic Winner : मुरलीकांत पेटकर सांगतायत अपंग खेळाडूंसमोरील आव्हाने

कोपर्ली (ता. नंदुरबार) येथील वीज वितरण कंपनीच्या सबस्टेशनच्या पुढे मोठी भिलाटीत पत्र्याचे दरवाजा असलेल्या व हाफ लोखंडी शटर असलेल्या बंद घरात बेकायदा अवैध देशी-विदेशी दारूचा साठा करून ठेवला असल्याची माहिती पोलिसांना शनिवारी सायंकाळी मिळाली होती. त्याअनुषंगाने अपर पोलिस अधीक्षक तांबे यांना ही माहिती कळविली. त्यांनी नंदुरबार तालुका पोलिस ठाण्याचे पोलिस निरीक्षक राहुलकुमार पवार यांना पोलिसपथक

तयार करून तत्काळ कारवाईबाबत सांगितले.

पोलिस पथकाने कोपर्लीत जाऊन बंद घराचा मालक प्रल्हाद मधू पवार (वय २९, रा. कोपर्ली) याला बोलावून घेतले. घराचे कुलूप उघडून पाहिले असता तेथे खाकी रंगाच्या खोक्यांमध्ये अवैध मद्यसाठा आढळला. याबाबत प्रल्हाद पवार याला विचारणा केली असता त्याने सतू भिल ऊर्फ सत्तार ठाकरे (रा. म्हसावद, ता. शहादा) याची असल्याचे सांगितले. या प्रकरणी नंदुरबार तालुका पोलिस ठाण्यात प्रल्हाद मधू पवार व सतू भिल ऊर्फ सत्तार ठाकरे यांच्याविरुद्ध गुन्हा दाखल झाला आहे.