उत्तर महाराष्ट्रात आयकर विभागाचे छापे; सुमारे २३० कोटींचे घबाड जप्त

नाशिक : प्राप्तिकर विभागाने (Income Tax Department) नंदुरबार-धुळे जिल्ह्यातील सुमारे चाळीस बिल्डर्स, कॉन्ट्रॅक्टरांच्या घरावर छापे टाकून सुमारे २३० कोटीचे घबाड शोधले. नाशिक इनकम टॅक्स विभागाच्या अन्वेषण विभागाच्या पथकाच्या २२ डिसेंबर पासून दोन्ही जिल्ह्यातील चाळीस जणांच्या आस्थापना रडारवर होत्या, आज सोमवार (ता २७) पहाटे चार पर्यंत ही कारवाई सुरू होती. (Income Tax Department raid in Dhule Nandurbar)

प्राप्तिकर विभागाच्या या छाप्यात साडे ५ कोटींची रोकड जप्त करण्यात आली २२५ कोटीच्या बेहिशोबी मालमत्ता या पथकाच्या अधिकाऱ्यांनी शोधून काढली तर सुमारे ११ किलो सोन्याच्या दागिन्यांशिवाय अनेक हिरे प्राप्तिकर विभागाने जप्त केले आहे