आली रे आली तारीख आली..सरपंच पदाची आरक्षण सोडत होणार पुढच्या आठवड्यात

धनराज माळी
Friday, 22 January 2021

नंदुरबार जिल्ह्यातील अनुसूचित क्षेत्रात समाविष्ट असलेल्या एकूण ५१९ ग्रामपंचायती व अनुसूचित क्षेत्राबाहेरील ७६ ग्रामपंचायती अशा एकूण ५९५ ग्रामपंचायतींमधील महिला सरपंच पदाची आरक्षण सोडत जिल्हाधिकारी कार्यालय नंदुरबार येथील बिरसामुंडा सभागृहात काढण्यात येणार आहे.

नंदुरबार : नंदुरबार जिल्ह्यातील अनुसूचित क्षेत्राबाहेर येणाऱ्या शहादा तालुक्यातील ३५ व नंदुरबार तालुक्यातील ४१ अशा एकूण ७६ ग्रामपंचायतींच्या सरपंच पदाची आरक्षण सोडत तालुकास्तरावर २९ जानेवारीला शहादा व नंदुरबार तहसील कार्यालयात काढण्यात येणार 
आहे. 
नंदुरबार जिल्ह्यातील अनुसूचित क्षेत्रात समाविष्ट असलेल्या एकूण ५१९ ग्रामपंचायती व अनुसूचित क्षेत्राबाहेरील ७६ ग्रामपंचायती अशा एकूण ५९५ ग्रामपंचायतींमधील महिला सरपंच पदाची आरक्षण सोडत ४ फेब्रुवारीला सकाळी ११ वाजता जिल्हाधिकारी कार्यालय नंदुरबार येथील बिरसामुंडा सभागृहात काढण्यात येणार आहे. हे आरक्षण १ एप्रिल २०२० ते ३१ मार्च २०२५ या पाच वर्षाच्या कालावधीत सार्वत्रिक निवडणुका होऊन गठित होणाऱ्या ग्रामपंचायतीसाठी लागू असणार आहे. कोविड-१९ च्या पार्श्वभूमीवर हे आरक्षण काढताना घेण्यात येणाऱ्या सभेत सार्वजनिक आरोग्य विभाग, मदत व पुनर्वसन विभाग तसेच जिल्हाधिकारी नंदुरबार यांनी वेळोवेळी दिलेल्या आरोग्यविषयक सूचना व आदर्श कार्यप्रणाली संहिता या बाबींचे पालन होण्याबाबत कटाक्षाने काळजी घेण्यात यावी, असे उपजिल्हाधिकारी बबन काकडे यांनी कळविले आहे. 
 
संपादन ः राजेश सोनवणे
 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: marathi nandurbar news gram panchayat election sarpanch reservation date final