जळगावात आणखी चार पॉझिटीव्ह रूग्ण 

जळगाव ः कोरोना पॉझिटीव्हच्या रूग्णांमध्ये दिवसेंदिवस वाढ होत असून जिल्ह्याचा आकडा देखील रोज वाढत आहे. यात आज प्राप्त अहवालात चार रूग्णांचे अहवाल पॉझिटीव्ह आले आहेत. यामुळे जिल्ह्यातील पॉझिटीव्ह रूग्णांचा आकडा आता 41 वर पोहचला आहे. 

कोरोना व्हायरसचा प्रादुर्भाव वाढत चालला असून, जळगाव जिल्ह्यासह जळगाव शहरातील संख्या देखील आता वाढू लागली आहे. जिल्ह्यातील अमळनेरमध्ये सर्वाधिक रूग्ण असून यात आणखी दोन जणांची भर पडली आहे. कोरोना पॉझिटीव्ह असलेल्या रूग्णांच्या संख्येत होणारी वाढ ही जिल्ह्यातील नागरीकांसह प्रशासनाची देखील झोप उडविणारी आहे. वाढत्या आकड्यामुळे जिल्हा रेडझोनमध्ये केव्हाच पोहचला असल्याने हळूहळूु पन्नाशीकडे वाटचाल सुरू आहे. 

चार रूग्ण पॉझिटील 
कोरोना व्हॉस्पिटलला अर्थात शासकिय वैद्यकिय महाविद्यालयाकडून संशयीत रूग्णांचे पाठविलेल्या नमुन्यांचे अहवाल आज रात्री धुळे येथील शासकिय वैद्यकिय महाविद्यालयाकडून प्राप्त झाले. यात एकूण चार जणांचे अहवाल पॉझिटीव्ह आले असून, यात पाचोरा येथील दोन, अमळनेर येथील एक व जळगाव शहरातील जोशी पेठ परिसरातील एका रूग्णाचा समावेश आहे. यामुळे जिल्ह्याचा आकडा आता 41 वर पोहचला आहे.