जळगाव ः सोशल मीडियावरून जाहिराती "व्हायरल' करण्याबाबत जिल्हा निवडणूक अधिकाऱ्यांची परवानगी न घेतल्याने लोकसभेच्या जळगाव व रावेर मतदारसंघातील राजकीय पक्षांच्या उमेदवारांना नोटिसा बजावण्यात आल्या आहेत. जिल्हा निवडणूक निर्णय अधिकारी तथा जिल्हाधिकारी डॉ. अविनाश ढाकणे यांनी या नोटिसा बजावल्या आहेत.
लोकसभेच्या रावेर मतदारसंघातील भाजपच्या उमेदवार रक्षा खडसे, राष्ट्रीय आम जनसेवा पार्टीचे अजित तडवी, आंबेडकराईट पार्टी ऑफ इंडियाचे रोहिदास अडकमोल यांना, तर जळगाव मतदारसंघातील राष्ट्रवादी कॉंग्रेसचे उमेदवार गुलाबराव देवकर, भाजपचे उमेदवार उन्मेष पाटील, अपक्ष उमेदवार ईश्वर मोरे, वंचित बहुजन आघाडीच्या अंजली बाविस्कर यांना नोटीस पाठविण्यात आली आहे.
...अन्यथा निवडणूक खर्चात समावेश
उमेदवारांनी त्रयस्थ व्यक्तींना निवडणुकीच्या प्रचारासाठी एसएमएस, जाहिराती, प्रसिद्ध करण्यापूर्वी जिल्हा निवडणूक निर्णय अधिकाऱ्यांच्या अध्यक्षतेखाली नेमलेल्या माध्यम प्रमाणीकरण आणि संनियंत्रण समितीची पूर्वपरवानगी घेणे आवश्‍यक आहे. याची आपणांस माहिती असताना परवानगी न घेता सोशल मीडियावरून जाहिराती प्रसिद्ध झाल्या आहेत. त्याबाबत तत्काळ परवानगी घ्यावी; अन्यथा हा खर्च निवडणूक खर्च धरला जाईल, असे नोटिशीत म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.