जळगाव : जिल्हा मध्यवर्ती बॅंकेतर्फे खरीप हंगामासाठी 27 हजार 489 शेतकऱ्यांना 270 कोटी 5 लाख 70 हजार 289 कोटी रुपयांचे कर्जवाटप करण्यात आले आहे. चाळीसगाव तालुक्यात सर्वाधिक 53 कोटीचे कर्जवाटप करण्यात आले आहे.
जिल्हा बॅंकेचे साधारणत: साडेतीन लाख सभासद आहेत. मात्र त्यातील काही थकबाकीदार असल्यामुळे बॅंकेने यावेळी त्यांना केवळ 50 टक्केच कर्ज देण्याचा निर्णय घेतला आहे. तर काही शेतकऱ्यांनी 50 टक्केही कर्ज नाकारले आहे. आतापर्यंत जिल्ह्यात केवळ 27 हजार 489 शेतकऱ्यांनीच कर्ज घेतले आहे. त्यामुळे यावेळी कर्ज वाटपाची बॅंकेची टक्केवारी पूर्णपणे घसरली आहे. चाळीसगाव तालुका मोठा असल्यामुळे चार हजार 20 शेतकऱ्यांना 53 कोटी 7 लाख 84 हजार 884 रुपयांचे कर्जवाटप करण्यात आले आहे. लहान असलेल्या बोदवड तालुक्यात सर्वांत कमी 184 शेतकऱ्यांना1कोटी 6लाख 84 हजार 200 रुपयांचे कर्जवाटप करण्यात आले आहे.
ऊस, केळी कांदेबागची संख्या कमी
केळी कांदेबाग पिकासाठी 96 शेतकऱ्यांना 68 कोटी12 लाख 35 हजार 251 रुपयांचे कर्जवाटप करण्यात आले आहे,ऊस पिकासाठी 69 शेतकऱ्यांनी 60 कोटी 20लाख 49 हजार 38रूपये कर्ज वाटप करण्यात आले आहे. तर कापूस व इतर पिकासाठी 27हजार 304 शेतकऱ्यांना 141 कोटी 72लाख 86 हजाराचे कर्ज वाटप करण्यात आले.
तालुकानिहाय कर्जवाटप असे
कंसात शेतकऱ्यांची संख्या
अमळनेर -(1938)- 8,89,38, 770
भडगाव- (2298) -49,79,20,773
भुसावळ- (475)-22,1,94,950
बोदवड- (184)-1,06,84,200
चाळीसगाव (4020)-53,07,66,884
चोपडा- (2744)-20,63,82,970
धरणगाव- (524)-2,88,88,640
एरंडोल- (1216)-7,95,71,432
जळगाव- (2593)-16,61,36,489
जामनेर- (2591)-10,31,38,180
मुक्ताईनगर- (706)-4,31,93,700
पाचोरा- (3088)-18,28,47,825
पारोळा-(3388)-19,13,696,92
रावेर- (585)-6,11,29,238.28
यावल- (2231)-48,74,08,546
थकबाकीदार शेतकऱ्यांना कर्ज देता येत नाही, ती संख्या यावेळी खूप जास्त आहे. नियमित कर्जफेड करणारे व कर्ज माफ झालेले, ज्यांच्यावर थकबाकी नाही अशा सर्वच शेतकऱ्यांना कर्ज उपलब्ध करून दिले जात आहे. इतर कोणत्याही बॅंकेपेक्षा जिल्हा बॅंकेचे कर्जवाटपाचे प्रमाण यावेळीही जास्तच आहे.
- रोहिणी खडसे- खेवलकर, चेअरमन, जिल्हा सहकारी बॅंक.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.