पंधरा हजाराची लाच घेताना हवालदार ताब्यात 

मेहुणबारे (ता.चाळीसगाव) : येथील पोलिस ठाण्यात हाणामारीच्या गुन्ह्यात तक्रारदाराला मदत करण्यासह वाढीव कलम 354 लावुन न देण्यासाठी 15 हजारांची लाच घेणाऱ्या हवालदारास जळगाव एलसीबीच्या पथकाने रंगेहाथ पकडले. 
मेहुणबारे येथे हाणामारीची घटना झाली असताना या घटनेच्या गुन्ह्यात संबंधीत तक्रारदाराला मदत करणे कलम वाढवून देण्यासाठी हवालदार शालिकराम व्यंकटराव कुंभार (टाकळी प्रचा, खरजाई) यांनी पंधरा हजार रूपयांची लाच मागितली होती. मेहुणबारे पोलिस ठाण्याच्या हवालदाराला लाच घेणे चांगलीच महागात पडली. खासगी पंटरासह जळगाव एसीबीच्या पथकाने लाच घेताना सोमवारी दुपारी हवालदार शालिकराम कुंभार व खाजगी पंटर बाळासाहेब भाऊसाहेब देशमुख या संशयितांना अटक करण्यात आली आहे.