रेल्वेचा चार दिवस ब्लॉक उद्यापासून मुंबई पॅसेंजर रद्द 

भुसावळ : मध्य रेल्वेतर्फे इगतपुरी येथे विशेष ब्लॉक घेणार असल्याने 27 ऑक्‍टोबरपासून चार दिवस भुसावळ-मुंबई पॅसेंजरसह एलटीटी-मनमाड एक्‍स्प्रेस अप आणि डाऊन मार्गावर रद्द केली आहे. तसेच हुतात्मा एक्‍स्प्रेस मनमाड दौंडमार्गे वळविली असून काही गाड्या अर्धा-एक तास उशिराने धावणार आहे. 

इगतपुरी येथे नवीन रूट रिले इंटरलॉकिंग पॅनल आणि यार्ड रीमॉडलिंगचे काम केले जाईल 
यात 27, 28, 29, 30 ऑक्‍टोबरला लोकमान्य तिलक टर्मिनस-मनमाड-लोकमान्य तिलक टर्मिनस एक्‍स्प्रेस, मुंबई-भुसावळ-मुंबई पॅसेंजर रद्द केली आहे. अप आणि डाऊन मार्गावरील भुसावळ-पुणे हुतात्मा एक्‍स्प्रेस दौंड-मनमाडमार्गे धावणार आहे. 
28 ऑक्‍टोबरला पाटलिपुत्र-लोकमान्य टिळक टर्मिनस एक्‍स्प्रेस, इलाहाबाद-लोकमान्य टिळक टर्मिनस दुरंतो एक्‍स्प्रेस, छपरा- लोकमान्य तिलक टर्मिनस एक्‍स्प्रेस आणि गोरखपूर- लोकमान्य टिळक टर्मिनस एक्‍स्प्रेस अर्धा ते एक तास उशिराने धावतील. 
29 ऑक्‍टोबरला पाटलिपुत्र-लोकमान्य तिलक टर्मिनस एक्‍स्प्रेस, पटणा-मुंबई सुविधा एक्‍स्प्रेस, गोरखपूर- लोकमान्य टिळक टर्मिनस एक्‍स्प्रेस, लखनऊ-लोकमान्य टिळक टर्मिनस एसी एक्‍स्प्रेस, गोरखपूर- लोकमान्य टिळक टर्मिनस एक्‍स्प्रेस वाया इलाहाबाद तथा गोरखपूर-पनवेल एक्‍स्प्रेस उशिराने धावतील. 30 ऑक्‍टोबरला गोरखपूर-लोकमान्य टिळक टर्मिनस एक्‍स्प्रेस वाया इलाहाबाद उशिराने धावणार आहे.