पोलिस कर्मचाऱ्याकडून महिलेवर अत्याचार 

पोलिस कर्मचाऱ्याकडून महिलेवर अत्याचार 

यावल : तालुक्यातील वाघझिरा येथील २५ वर्षीय आदिवासी तरूणीवर तिच्या लग्नापूर्वी व लग्नानंतरही लग्नाचे आमिष दाखवून सुमारे अडीच वर्ष अत्याचार केला. तिच्याशी लग्न न केल्याने युवतीची फसवणूक केल्याप्रकरणी नंदुरबार पोलिस मुख्यालयातील पोलिस कर्मचारी इरफान अकबर तडवी(मूळ रा. वाघझिरा) याच्या विरुद्ध यावल पोलिसात गुन्हा दाखल करण्यात आला आहे. 

पिडीत महिला व इरफान अकबर तडवी दोघांनी वाघझिरा येथे सोबतच शिक्षण घेतले. यानंतर किनगाव येथे डी.एड. करीत असताना लग्नाचे आमिष दाखविले. एप्रिल २०१७ मध्ये पिडीत तरुणी ही पोलिस भरतीसाठी नंदूरबार येथे गेली असता या ठिकाणी एका लॉजवर अत्याचार केला. त्यानंतर १ जूनला जळगाव येथे तसेच जानेवारी २०१९ पर्यंत यावल तालुक्यातील मोर धरण परिसर, आडगाव व हिंगोणा परिसरात वेळोवेळी अत्याचार केला. पीडितेचा विवाह झाला. ती गर्भवती राहिल्याने माहेरी आली. यानंतर सासरी न जाता नंदुरबारला इरफान तडवी याच्याकडे गेली, तेव्हा त्याने पीडितास जळगाव येथील एका रुग्णालयात नेऊन गर्भपात करवून घेतला. २०१६ ते जानेवारी २०१९ दरम्यान तरुणीवर लग्नाचे आमिष व बदनामीची भिती दाखवून अत्याचार करून व लग्न न करता तिची फसवणूक केल्याचे तरुणीने फिर्यादीत म्हटले आहे. तिच्या फिर्यादीवरून यावल पोलिसात गुन्हा दाखल करण्यात आला आहे. पोलिस निरीक्षक डी. के. परदेशी यांचे मार्गदर्शनाखाली पोलिस उपनिरीक्षक सुनिता कोळपकर, हवालदार संजय तायडे तपास करीत आहेत. 
 
केलेले लग्न मोड, मग लग्न करू 

पिडीत तरुणीला तिचे झालेले लग्न मोडायला लावले व तिला पुन्हा विश्वासात घेतले आणि तिचा गर्भपात केला. तरी देखील लग्न केले नाही. असे असताना लग्नासाठी मुलगी शोधत असल्याचे पीडिताच्या लक्षात आल्यावर आपली फसवणूक झाल्याची खत्री झाली. त्यानंतर गुन्हा नोंदविला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com