पंतप्रधान नरेंद्र मोदी यांची जळगावात उद्या सभा 

जळगाव : पंतप्रधान नरेंद्र मोदी हे विधानसभा निवडणूकीत भारतीय जनता पक्षाच्या उमेदवारांच्या प्रचारार्थ राज्यात सहा सभा घेत आहेत. त्यातील पहिली सभा उद्या (ता.13) जळगाव येथे होणार आहे. 
जळगाव येथे सकाळी दहा वाजता विमानतळाच्या समोरील भारत फोर्जच्या मैदानावर सभा होणार आहे. दिल्ली येथून ते जळगाव विमानळावर दाखल होणार आहेत. तेथून ते सभास्थळी येतील. राज्यातील विधानसभा निवडणूकीच्या प्रचाराची जळगावातील पहिलीच सभा असल्यामुळे पंतप्रधान मोदी काय बोलणार?याकडे सर्वांचे लक्ष लागलेले आहे. सभेसाठी भव्य मंडप उभारण्यात आला आहे. राज्याचे जलसंपदामंत्री व भाजपचे नेते गिरीश महाजन हे सभेचे सर्व नियोजन करीत आहे.सभास्थळी उपस्थित राहून ते लक्ष देत आहेत.