पिंपळनेर : कुडाशी पैकी आंबापाडा (ता. साक्री) येथे गुरुवारी रात्री दारूसाठी पैसे देत नाही याचा राग आल्याने वृद्ध आईचे डोके जमिनीवर आपटून तिला मुलाने (Boy) ठार (Murder) केल्याची घटना (Mother) घडली. पोलिसांनी संशयित मुलाला अटक केली आहे.
दारूसाठी जन्मदात्या आईचा जीव घेणाऱ्या संशयित मुलाचे नाव गुलाब बंडू बागूल (वय ४२) असे आहे. गुरुवारी रात्री दहाच्या सुमारास त्याने आई सुमनबाईकडे दारू पिण्यासाठी पैसे मागितले. गुलाब नेहमीच पैशांसाठी त्रास देत असल्याने वैतागलेल्या सुमनबाईने त्याला पैसे देण्यास नकार दिला. हीच गोष्ट तिच्या जिवावर बेतली. आई पैसे देत नाही याचा राग मुलगा गुलाबने तिचे डोके धरून ते घराच्या भिंतीवर दोन-तिनदा आपटले. आईचे डोके भिंतीवर आपटल्याने ६० वर्षीय सुमनबाई गलितगात्र होऊन जमिनीवर कोसळल्या. तरीही गुलाबचे मन शांत झाले नाही. त्याने पुन्हा जमिनीवर पडलेल्या आईचे डोके फरशीवर आपटले. यातच सुमनबाई मरण पावली. ही घटना घडली त्या वेळी पाऊस पडत असल्यामुळे सुमनबाईच्या ओरडण्याचा कुणाला आवाज आला नाही. तर घटनेनंतर गुलाब गल्लीत फिरू लागला.
दरम्यान, या गोष्टीची वाच्यता होऊन सुमनबाईचे दीर चुनीलाल तानाजी बागूल यांना समजताच त्यांनी गल्लीत फिरणाऱ्या गुलाबला हटकण्याचा प्रयत्न केला असता त्यांनाही शिवीगाळ करण्यात आली. तर त्यांनी घरी येऊन पाहिले असता सुमनबाई रक्ताच्या थारोळ्यात पडलेली आढळली. या प्रकरणी चुनीलाल बागूल यांच्या फिर्यादीवरून पिंपळनेर पोलिसांत गुन्हा दाखल करून गुलाब बागूल यास पोलिसांनी ताब्यात घेतले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.