Vidhan Sabha 2019 : नाशिकमध्ये मनसेची माघार; काँग्रेस आघाडीला पाठिंबा

सकाळ वृत्तसेवा
सोमवार, 7 ऑक्टोबर 2019

मुर्तडक यांच्या माघारीमुळे पूर्व मतदारसंघांमध्ये भाजपचे उमेदवार एडवोकेट राहुल ढिकले व भाजपमधून ऐनवेळी बंडखोरी करत राष्ट्रवादी काँग्रेसकडून उमेदवारी अर्ज दाखल केले आमदार बाळासाहेब सानप यांच्या थेट लढत होणार असल्याचे स्पष्ट होताना दिसत आहे.

नाशिक : नाशिक पूर्व मधून मनसेचे उमेदवार अशोक मुर्तडक यांची माघार घेण्याचा निर्णय आज (सोमवार) घेतला. साडेबारा वाजेच्या सुमारास त्यांनी उमेदवारी अर्ज माघारी घेतला.

मुर्तडक यांच्या माघारीमुळे पूर्व मतदारसंघांमध्ये भाजपचे उमेदवार एडवोकेट राहुल ढिकले व भाजपमधून ऐनवेळी बंडखोरी करत राष्ट्रवादी काँग्रेसकडून उमेदवारी अर्ज दाखल केले आमदार बाळासाहेब सानप यांच्या थेट लढत होणार असल्याचे स्पष्ट होताना दिसत आहे.

मुंबईत झालेल्या मनसे पदाधिकारी बैठकीत निर्णय घेण्यात आला. राष्ट्रवादी काँग्रेस महाआघाडीचे उमेदवार बाळासाहेब सानप यांना पाठिंबा जाहीर करण्याचा निर्णय घेण्यात आला. पूर्व विधानसभा मतदारसंघातून माघार घेताना मनसेचे उमेदवार उमेदवार नितीन भोसले यांना काँग्रेस राष्ट्रवादी महाआघाडीचा पाठिंबा मिळेल अशी अपेक्षा आहे. मात्र, अद्याप पर्यंत काँग्रेसच्या उमेदवार डॉक्टर हेमलता पाटील यांनी उमेदवारी अर्ज माघारी न घेतल्याने मनसेची अडचण निर्माण होण्याची शक्यता आहे.

दरम्यान विधानसभा मतदारसंघातून शिवसेनेचे मामा ठाकरे, दिलीप भामरे तसेच अपक्ष अर्ज दाखल अहिरे यांनी उमेदवारी अर्ज माघारी घेतले. शिवसेनेचे सुधाकर बडगुजर उमेदवारी करण्यावर ठाम आहे तर महापालिकेतील शिवसेनेचे गटनेते विलास शिंदे नॉटरिचेबल असल्याने तेही उमेदवारी अर्ज कायम ठेवण्याची शक्यता आहे. 

नाशिक पूर्व मधून माघार घेतलेली मनसेचे अशोक मुर्तडक यांनी मला पक्षाने भरपूर काही दिले आहे. साहेबांच्या आदेशाने मी उमेदवारी अर्ज मागे घेत असल्याचे त्यांनी स्पष्टीकरण दिले.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: MNS candidate withdraw nomination in Nashik for Maharshtra Vidhan Sabha 2019