Dhule Accident News : दोंडाईचा येथे अपघातात मोटारसायकलस्वार ठार

Dhule Accident News : येथील नगर परिषदेच्या इमारतीसमोर मंगळवारी (ता. २८) मोटारसायकलस्वार ट्रक अपघातात जागीच ठार झाला. रात्री आठच्या सुमारास कुंभारे (ता. शिंदखेडा) येथील सुनील हिलाल पाटील (वय ४०) या तरुण शेतकऱ्याचा जागीच मृत्यू झाला. (Motorcyclist dies in accident at Dondaicha dhule crime news)

दोंडाईचा येथून कुंभारे स्वतःच्या घरी जात असताना अर्धाकृती छत्रपती शिवाजी महाराजांच्या पुतळ्याजवळील नगर परिषदेच्या इमारतीसमोर हा अपघात झाला.

मालवाहू ट्रक (एमएच १८, बीए २०१६) भरधाव जात होता. चालकाने हुलकावणी दिल्याने सुनील पाटील याच्याकडे असलेली मोटारसायकल (एमएच १४, ईजी १६३३) चाकाखाली आल्याने जागीच मृत्यू झाला.

अपघाताची माहिती मिळताच पोलिसांनी घटनास्थळी धाव घेतली. दरम्यान, परिसरात नागरिकांची तोबा गर्दी झाली होती. मृत तरुणाचा भाऊ दीपक कुवर (पाटील) यांनी दोंडाईचा पोलिस ठाण्यात फिर्याद दिली.