Nandurbar Crime News : 5 लाख 59 हजारांची दारू वाहनासह जप्त

शहादा : गुप्त माहितीच्या आधारे म्हसावद पोलिस ठाण्याने वाहनासह पाच लाख ५९ हजारांची दारू जप्त केली. ही कारवाई शनिवारी रात्री उशिरा करण्यात आली. म्हसावद पोलिस ठाणे हद्दीत खेड दिगर (ता. शहादा) येथील आंतरराज्य सीमा नाकाबंदी या ठिकाणी सिल्व्हर रंगाच्या स्कार्पिओ (एमएच १८, व्ही ७७७)मध्ये चालक आपल्या ताब्यातील वाहनात अवैध दारूची चोरटी वाहतूक करीत आहे. (Nandurbar Crime Liquor worth 5 lakh 59 thousand seized along with vehicle)

अशी खात्रीलायक माहिती जिल्हा पोलिस अधीक्षक श्रवण दत्त एस. यांना मिळाल्याने त्यांनी म्हसावद ठाण्याचे प्रभारी अधिकारी राजन मोरे यांना कळवून तत्काळ कारवाईचे आदेश दिले. त्या अनुषंगाने खेड दिगर नाकाबंदी या ठिकाणी दोन पथकांनी सापळा रचला.

रात्री दहाच्या सुमारास चालक त्याच्या ताब्यातील वाहनात बिअर बॉक्स व चार लाख ५० हजार किमतीचे स्कॉर्पिओ वाहन असा एकूण पाच लाख ५९ हजार ४४० रुपये किमतीच्या मुद्देमाल घेऊन जात असताना छाप्यात थांबविले असता तो पळून जात होता. त्याचा पाठलाग करून पकडण्यात आले. (latest marathi news)

चालकाविरुद्ध कायदेशीर गुन्हा दाखल करण्यात आलेला असून, गुन्ह्याचा तपास सुनील पाडवी करीत आहेत. सहाय्यक पोलिस निरीक्षक राजन मोरे, पोलिस उपनिरीक्षक जितेंद्र पाटील, सुनील पाडवी, जितू पाडवी, बहादूर बिलाला.

शैलेशसिंग राजपूत, दादाभाई साबळे, उमेश पावरा, अजित गावित, राकेश पावरा यांनी कारवाई केली. पोलिस अधीक्षक श्रवण दत्त एस., अपर पोलिस अधीक्षक नीलेश तांबे, शहादा उपविभागीय पोलिस अधिकारी दत्ता पवार यांनी मार्गदर्शन केले.