SAKAL Impact : सारंगखेडा-कळंबू रस्त्यावरील ‘तो’ जीवघेणा खड्डा बुजवला

कळंबू : सारंगखेडा ते कळंबू रस्त्याच्या मध्यभागी धोकादायक खड्डा पडल्याने अपघाताला निमंत्रण देत असल्याचे वृत्त ‘सकाळ’मध्ये प्रसिद्ध झाले होते. संबंधित विभागाने याची दखल घेत खड्डा बुजविल्याने वाहनधारकांकडून समाधान व्यक्त करण्यात येत आहे. मात्र सारंगखेडा-कळंबू-कुकावल रस्त्याची अवस्था ‘जैसे थे’ आहे. रस्त्याचे नूतनीकरण करण्याची मागणी जोर धरत आहे. (Nandurbar dangerous potholes are filled in middle of Sarangkheda to Kalambu road)

सारंगखेड्यापासून कळंबूकडे जाताना वाघदेव (मंदिराजवळ) रस्त्याच्या मध्यभागी मोठे भगदाड पडले होते. त्याखाली सिमेंट पाइप असल्याने येथे परिस्थिती ‘जैसे थे’ होत होती. यामुळे रात्री-बेरात्री वाहनचालक, पायी जाणाऱ्यांना धोकादायक ठरत होते. (latest marathi news)

याबाबतचे वृत्त ‘सकाळ’मध्ये प्रसिद्ध झाल्यानंतर प्रशासन जागे झाले. याची दखल संबंधित विभागाने घेत दुरुस्तीचे काम हाती घेत खड्डा बुजविला. येथे लोखंडी सळईची जाळी बनवून सिमेंट टाकून खड्डा बुजविल्याने, वाहनधारक, प्रवाशांनी ‘सकाळ’चे आभार मानले.