नाशिक : महापालिका क्षेत्रातील कनिष्ठ महाविद्यालयांमध्ये केंद्रभूत पद्धतीने ऑनलाइन प्रवेश प्रक्रिया राबविली जाणार आहे. याअंतर्गत रविवार (ता.२६) सकाळी अकरापासून ऑनलाइन नोंदणी करणे व लॉग इन आयडी मिळवत पासवर्ड तयार करता येणार आहे. प्रत्‍येक अर्जाचा भाग एक भरण्याची मुदत १ ऑगस्‍टपासून सुरू होईल.
संकेतस्‍थळाद्वारे ऑनलाइन नोंदणी करता येणार
गेल्‍या काही वर्षांपासून इयत्ता अकरावीत शहरातील कनिष्ठ महाविद्यालयां मध्ये ऑनलाइन पद्धतीने प्रवेश दिले जात असतात. परंतु यावर्षी कोरोनामुळे उद्भवलेल्‍या परिस्‍थिती अन्‍य विविध अभ्यासक्रमांप्रमाणे इयत्ता अकरावीची प्रक्रिया प्रभावित झालेली आहे. यापूर्वी जाहीर केलेल्‍या वेळापत्रकात ऐनवेळी बदल करत शिक्षण विभागाने सुधारीत वेळापत्रक जारी केले होते. त्‍यानुसार आता रविवार (ता.२६) उद्यापासून इयत्ता अकरावी प्रवेशाची प्रक्रिया सुरू होते आहे. पहिल्‍या टप्‍प्यात अकरावी प्रवेशासाठी इच्‍छुक असलेल्‍या विद्यार्थ्यांना संकेतस्‍थळाद्वारे ऑनलाइन नोंदणी करता येणार आहे. तसेच लॉग इन आयडी मिळवत पासवर्ड तयार करता येणार आहे.
अर्जाचा भाग एक भरण्याची, पडताळणीची मुदत १ ऑगस्‍टपासून
पुढील टप्‍प्यात विद्यार्थ्यांची वैयक्‍तिक माहिती, आरक्षणाचा तपशील व अन्‍य माहिती असलेला अर्जाचा भाग एक भरण्याची प्रक्रिया १ ऑगस्‍टपासून सुरू होईल. या टप्‍प्यात विद्यार्थ्यांनी भरलेला अर्ज पडताळणीची देखील पार पडेल. यंदा कोरोनाच्‍या परिस्‍थितीमुळे अर्जातील माहिती, भाग एक ऑनलाइन तपासणून प्रमाणित केला जाणार आहे. प्रक्रिया तर महाविद्यालय, शाखा निवडीबाबत आवश्‍यक असलेल्‍या अर्जाचा भाग दोन भरण्याची प्रक्रिया इयत्ता दहावीचा निकाल जाहीर झाल्‍यानंतर पार पाडावी लागणार आहे.
(संपादन - किशोरी वाघ)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.