Burglary Case : घर फोडून 15 तोळे सोन्याचे दागिने लंपास

जुने नाशिक : वडाळा नाका रेणुका नगर येथील इक्बाल शेख यांच्या बंद घराचे कुलूप तोडून सुमारे पंधरा तोळे सोन्याचे दागिने अज्ञात संशयितांनी चोरून नेल्याची घटना शुक्रवारी (ता.१६) उघडकीस आली. (15 tola gold jewellery Burglary after breaking into house Nashik Crime Latest Marathi News)

मुंबई नाका पोलिस ठाण्यात गुन्हा दाखल करण्यात आला आहे. इक्बाल शेख बुधवारी (ता. १४) कुटुंबीयांसह अकोला येथे गेले होते. घर बंद असल्याची संधी साधत अज्ञात संशयितांनी घराचे कुलूप तोडून १५ तोळे सोन्याचे दागिने चोरी केले.

घरातील अन्य कुठलेही सामान किंवा रोख रक्कम चोरी न करता केवळ सोन्याचे दागिने चोरी गेल्याचे त्यांनी सांगितले. मुंबई नाका पोलिसांना घटनास्थळी पाहणी केली. त्यानंतर पोलिस विभागाच्या न्यायवैद्यक विभागाच्या पथकाने देखील घटनास्थळी भेट देत तेथील नमुने घेतले. अधिक तपास पोलिसांकडून सुरू आहे.