Nashik Crime News : नाशिक रोड पोलिसांकडून 2 मोठ्या चोरीची उकल..

नाशिक रोड : नाशिक रोड गुन्हे शोध पथकाने चोरी गेलेली तेवरा गाडी व बांधकाम साइटवर लागणारे लोखंड, रिक्षासह ताब्यात घेऊन सुमारे सहा लाख रुपयांचा ऐवज हस्तगत करून दोन संशयिताना जेरबंद केले आहे.

वरिष्ठ पोलिस निरीक्षक देविदास वांजळे यांनी अवघे काही तास उलटत असताना दोन मोठ्या चोरीची उकल केली आहे. (2 major thefts solved by Nashik Road Police nashik crime news)

याबाबत पोलिस उपायुक्त चंद्रकांत खांडवी यांनी माहिती दिली. १३ मार्चला शिंदे गाव येथून बाळकृष्ण शंकर सोनवणे यांची तेवरा कार (एमएच- १५- बीएक्स- ५६१६) चोरी झाली होती. गुन्हे शोध पथकाने सीसीटीव्ही फुटेजचा आधार घेऊन तालुका कारंजा लाड, काजळेश्वर येथून संशयित फैजानउद्दीन ऊर्फ राज फैजानउद्दीन (२७) यास शिताफीने ताब्यात घेऊन कार हस्तगत केली.

दुसऱ्या घटनेत २५ मार्चला सामनगाव येथील बांधकाम साइटवरून ४५ हजार रुपये किमतीचे साहित्य चोरी झाले. गोपनीय माहितीनुसार सदर साहित्य हे रिक्षातून चोरी झाल्याचे समजले. रिक्षाचा शोध घेतला असता, गोरेवाडी, शास्त्रीनगर येथील विक्रांत सुनील हांडोरे (२२) यास ताब्यात घेऊन रिक्षा व साहित्य हस्तगत केले.

हेही वाचा : जीएसटीसाठी नोंदणी केलीच नाही तर??

ही कामगिरी वरिष्ठ निरीक्षक देविदास वांजळे, निरीक्षक पवन चौधरी, जयेश गांगुर्डे, राजू पाचोरकर, विलास गांगुर्डे, अनिल शिंदे, वसंत काकड, अविनाश देवरे, विष्णू गोसावी, विजय टेमगर, सचिन गावले, मनोहर शिंदे, राकेश बोडके, केतन कोकाटे, महिंद्र जाधव, विशाल कुंवर, समाधान वाजे, अजय देशमुख, सागर आडणे, सोमनाथ जाधव, सागर पांढरे, योगेश रानडे यांनी पार पाडली.