Corona Update : जिल्ह्यात 21 पॉझिटिव्‍ह; 99 रुग्‍ण कोरोनामुक्‍त | Latest Marathi news | Sakal
sakal

बोलून बातमी शोधा

Corona update News

Corona Update : जिल्ह्यात 21 पॉझिटिव्‍ह; 99 रुग्‍ण कोरोनामुक्‍त

नाशिक : कोरोनाच्‍या प्रादुर्भावाच्‍या दृष्टीने अनेक दिवसांनंतर सोमवारी (ता. २५) दिलासादायक स्‍थिती राहिली. दिवसभरात अवघे २१ रुग्‍णांचे कोरोनाचे अहवाल पॉझिटिव्‍ह आले, तर ९९ रुग्‍णांनी कोरोनावर यशस्‍वी मात केली.

यामुळे ॲक्‍टिव्‍ह रुग्‍णसंख्येत तब्‍बल ७८ ने घट झाली आहे. सातशे पार गेलेली सक्रिय रुग्‍णसंख्या सध्या ६३४ झाली आहे. (21 positive in district 99 patients corona free Nashik Corona Update Latest Marathi news)

सोमवारी नाशिक महापालिका क्षेत्रात १६, नाशिक ग्रामीणमध्ये चार, तर जिल्‍हाबाहेरील एका रुग्‍णाला कोरोनाची लागण झाल्‍याचे निदान झाले. मालेगाव महापालिका क्षेत्रात नव्‍याने बाधित आढळला नाही.

दुसरीकडे तब्‍बल ९९ रुग्‍णांनी कोरोनावर यशस्‍वी मात केली. सोमवारी पॉझिटिव्‍हीटी दरातही घट राहिली. जिल्‍ह्याचा पॉझिटिव्‍हीटी दर २.४९ टक्‍के राहीला, तर नाशिक महापालिका क्षेत्राचा पॉझिटिव्‍हीटी दर ४.२२ टक्‍के इतका राहिला.

हेही वाचा: लोखंडी अँगल चोरणाऱ्या टोळीचा पर्दाफाश : एकाला अटक, 4 फरार

तीन हजाराहून अधिक अहवाल प्रलंबित
प्रलंबित अहवालांचा आकडा तीन हजारांहून अधिक झाला आहे. सोमवारी सांयकाळपर्यंत तीन हजार १९३ रुग्‍णांचे अहवाल प्रलंबित होते.

सर्वाधिक दोन हजार ६०३ प्रलंबित अहवाल नाशिक ग्रामीण क्षेत्रातील आहेत. नाशिक महापालिका क्षेत्रात ११८, मालेगावच्‍या ४७२ रुग्‍णांना अहवालाची प्रतीक्षा होती.

हेही वाचा: रस्ता 50 फूट; अतिक्रमण 30 फूट : देवपूरची विदारक स्थिती

Web Title: 21 Positive In District 99 Patients Corona Free Nashik Corona Update Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..