Nashik News: पर्यटन विकास योजनेअंतर्गत निफाड तालुक्यासाठी 5 कोटी 50 लाख मंजूर

पिंपळगाव बसवंत : निफाड मतदारसंघातील पर्यटनस्थळांचे रूप पालटणार आहे. येथील शिवसृष्टी स्मारकाला अतिरिक्त तीन कोटींचा निधी मंजूर झाला आहे.

प्रादेशिक पर्यटन योजनेंतर्गत निफाड तालुक्यातील विविध पर्यटनस्थळांच्या विकासासाठी पाच कोटी ५० लाखांच्या कामांना प्रसासकीय मान्यता मिळाली आहे, अशी माहिती आमदार दिलीप बनकर यांनी दिली.

(5 crore 50 lakh sanctioned for Niphad Taluka under Tourism Development Scheme Nashik News)

येथे शिवसृष्टी उभारण्यासाठी २०२१-२२ या आर्थिक वर्षात सुमारे दोन कोटी मंजूर झाले. मात्र, हा निधी अपुरा पडत असल्याने आमदार बनकर यांनी अतिरिक्त तीन कोटींचा निधी मंजूर केला आहे. आता पाच कोटींची भव्य शिवसृष्टी उभी राहणार आहे.

मौजे सुकेणे येथील श्रीदत्त मंदिर परिसर सुशोभीकरण १ कोटी, विनता-कादवा संगम परिसरात संरक्षण तट व घाट बांधणे १ कोटी, करंजगाव येथील महानुभाव आश्रमात भक्तनिवास उभारणे ५० लाख, असा सुमारे ५ कोटी ५० लाख रुपयांच्या कामांना प्रशासकीय मान्यता मिळाली आहे.