पंचवटी : गेल्या चार दिवसांपासून पाऊसाची (Rain) संततधार सुरू होती. रविवारी (ता. १७) पावसाने उसंत घेतली. यामुळे नेहमी होणाऱ्या पालेभाज्या (Leafy Vegetables) आवकेपेक्षा रविवारी ५५ टक्के पालेभाज्या आवक झाली, अशी माहिती बाजार समितीचे लिपिक भानुदास उगले यांनी दिली. (55 percent of arrival of leafy vegetables in market committee nashik Latest Marathi News)
कृषी उत्पन्न बाजार समितीमध्ये नाशिक शहरालगत असलेले म्हसरूळ, आडगाव, मखमलाबाद तसेच सुरगाणा, पेठ, करंजाळी, निफाड, सिन्नर तालुक्यातून भाजीपाल्याची आवक होत असते. मुंबईसह, अहमदाबादमध्ये नाशिकच्या पालेभाज्यांना मोठी मागणी असते. पावसाची गेल्या चार दिवसांपासून संततधार सुरू होती.
रविवारी पावसानी उसंत घेतली. मागील आवकेच्या तुलनेत भाजीपाला आवक वाढली असून, ती ५५ टक्के झाली आहे. कोंथिबीरच्या ४० हजार २०० जुड्यांची आवक झाली असून, गावठी कोंथिबीरला किमान १ हजार रुपये, सरासरी तीन हजार पाचशे रुपये, तर सर्वाधिक चार हजार ६५५ रुपये प्रतिशेकडा भाव होता, तर चायना कोंथिबीरला किमान नऊशे रुपये, सरासरी दोन हजार चारशे रुपये, सर्वाधिक चार हजार दोनशे रुपये प्रतिशेकडा भाव मिळाला.
मेथीच्या आठ हजार जुडींची आवक झाली असून, किमान दोन हजार, सरासरी दोन हजार चारशे पन्नास, तर सर्वाधिक तीन हजार नऊशे रुपये प्रतिशेकडा भाव मिळाला. शेपूच्या सहा हजार पाचशे पन्नास जुडींची आवक झाली.
किमान सातशे, सरासरी सतराशे, सर्वाधिक दोन हजार चारशे पंचावन्न रुपये प्रतिशेकडा भाव मिळाला. कांदापातच्या सहा हजार चार पन्नास जुडींची आवक झाली. किमान एक हजार, सरासरी तीन हजार दोनशे, सर्वाधिक चार हजार सातशे रुपये प्रतिशेकडा भाव मिळाला. एकूण पालेभाज्यांपैकी ४० टक्के गुजरात, ४० टक्के मुंबई, तर उर्वरित २० टक्के माल हा लोकलसाठी असतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
