नाशिक : कोरोनाबाधितांची घटती संख्या दिलासादायक असून, यातून ॲक्टिव्ह रुग्णसंख्येत सातत्याने घट होत आहे. शनिवारी (ता. ७) दिवसभरात २४१ बाधित आढळले असताना, ३१७ रुग्णांनी कोरोनावर मात केली. तर तीन रुग्णांचा उपचारादरम्यान मृत्यू झाला. यातून ॲक्टिव्ह रुग्णसंख्येत ७९ ने घट झाली असून, सद्यःस्थितीत जिल्ह्यात दोन हजार ८५६ रुग्ण उपचार घेत आहेत.
नव्याने आढळले २४१ बाधित
शनिवारी आढळलेल्या बाधितांमध्ये नाशिक शहरातील १६३, नाशिक ग्रामीणचे ७२, मालेगावचे पाच, तर जिल्हाबाह्य एका रुग्णाचा समावेश आहे. तर कोरोनामुक्त झालेल्या रुग्णांमध्ये नाशिक शहरातील २९०, नाशिक ग्रामीणचे २२, मालेगावचे दोन, जिल्हाबाह्य तीन रुग्ण आहेत. दिवसभरात कोरोनामुळे दगावलेले तिन्ही रुग्ण नाशिक ग्रामीण भागातील आहेत. मनमाड, दुगाव व नगरसूल येथील हे वयोवृद्ध रुग्ण आहेत.
३१७ रुग्ण कोरोनामुक्त
जिल्ह्यातील एकूण बाधितांची संख्या ९५ हजार ३५१ झाली असून, ९० हजार ७९६ रुग्ण कोरोनामुक्त झाले आहेत. एक हजार ६९९ रूरुग्णांचा उपचारादरम्यान मृत्यू झाला आहे. दिवसभरात दाखल रुग्णांमध्ये नाशिक महापालिका हद्दीतील रुग्णालये व गृहविलगीकरणात ५७५, नाशिक ग्रामीण रुग्णालये व गृहविलगीकरणात २४, मालेगाव हद्दीत चार, तर डॉ. वसंत पवार वैद्यकीय महाविद्यालयात दोन, जिल्हा रुग्णालयात तीन रुग्ण दाखल झाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
