अजितदादांच्या सांगण्यावरून मराठा पोर्टल बंद, हजारो तरुणांना फटका; नरेंद्र पाटलांचा आरोप

संपत देवगिरे, नाशिक : पार्थ पवार यांच्या कंपनीने केलेल्या जमीन व्यवहार प्रकरणामुळे उपमुख्यमंत्री अजित पवार हे अडचणीत आले आहेत. यातच आता अण्णासाहेब पाटील महामंडळाचे अध्यक्ष नरेंद्र पाटील यांनी काही गंभीर आरोप केले आहेत. नरेंद्र पाटील नाशिक दौऱ्यावर होते. शुक्रवारी त्यांनी मराठा समाजातील बेरोजगार तरुणांशी चर्चा केली. त्यांच्या रोजगार आणि व्यवसाय याबाबतच्या समस्या समजून घेतल्या. यावरूनच त्यांनी अजित पवारांवर आरोप केले आहेत.