Ambasan Farmers Protest : बिबट्याची दहशत आणि महावितरणची दिरंगाई; अंबासनचे शेतकरी सोमवारपासून 'अन्नत्याग' उपोषणावर!

अंबासन: अंबासन, मोराणे सांडस, काकडगाव व परिसरात बिबट्याचा मुक्त संचार असताना प्रशासन व महावितरण कंपनीकडून शेतकऱ्यांच्या जीवित सुरक्षेकडे जाणीवपूर्वक दुर्लक्ष केले जात असल्याचा गंभीर आरोप ग्रामपंचायत सदस्य शशिकांत कोर यांनी केला आहे. जीवावर उदार होऊन शेतकरी अंधारात शेतात जाण्यास भाग पडत असताना, दिवसा वीजपुरवठा सुरू न केल्यास सोमवार (ता. ९) पासून अन्नत्याग उपोषणास बसण्याचा ठाम इशारा त्यांनी दिला आहे.