नाशिक: भगूर येथे दारू पिण्यासाठी पैसे न दिल्याच्या कारणातून रिक्षाचालक युवकावर प्राणघातक हल्ला करणाऱ्या दोघांपैकी एका संशयितास छत्रपती संभाजीनगरमधून तर एकान शहरातून अटक करण्यात आली आहे. शहर गुन्हेशाखेच्या युनिट दोनच्या पथकाने सदरची कारवाई केली आहे. अलबक्ष ऊर्फ अली कुरेशी (२१, रा. सलामपुरा, पंढरपूर, संभाजीनगर), कैफ ऊर्फ भुऱ्या जावेद शेख (२१, रा. खोडे मळा, उपनगर) असे अटक करण्यात आलेल्या दोघा संशयितांची नावे आहेत.