नाशिक पुणे महामार्गावर बर्निंग कारचा थरार; मोहदरी घाटात BMW कार पेटली

सिन्नर (जि. नाशिक) : नाशिक-पुणे महामार्गावर सिन्नर येथील मोहदरी घाटात धावती बीएमडब्ल्यू कार रविवारी (ता. १८) रात्री अकराच्या सुमारास पेटली. (BMW car caught fire in Mohadari Ghat Nashik, Latest Marathi News)

या घटनेत जीवितहानी झाली नसल्याचे समजते. कार (जीजे ०४, बीई ९८८२) जळून खाक झाली. सिन्नर पोलिसांना याबाबत माहिती मिळाल्यानंतर त्यांनी सिन्नर नगर परिषदेच्या अग्निशमन दलाला माहिती दिली. अग्निशमन दलाच्या बंबाने आग विझविली. मात्र तोपर्यंत सुमारे तासभर पुणे महामार्ग वाहतुकीसाठी बंद करण्यात आला होता.

कारचालक अमिन आली सय्यद यांनी स्वतःचे प्राण वाचविले. ते पुण्याहून सुरतच्या दिशेने जात होते. आग विझविण्यासाठी अग्निशमन दलाचे जवान नवनाथ जोंधळे, लाला वाल्मीकी, लक्ष्मण सोनकुसरे, मंगेश कटारनवरे, जयेश बोरसे आदींनी प्रयत्न केले. सिन्नर पोलिसांनीही मदतकार्य केले.