Nashik Bribe Crime : 5 लाखांच्या लाचेप्रकरणी दोघांविरोधात गुन्हा

Nashik Bribe Crime : सोसायटीचे कर्ज न फेडल्याने घराचा लिलाव करण्याची प्रक्रियेत तक्रारदाराच्या बाजूने निकाल देण्यासाठी दोघा संशयतांनी सहा लाखांची लाचेची मागणी केली तडजोडीअंती पाच लाख रुपये देण्याचे ठरले.

या प्रकरणी लाचलुचपत प्रतिबंधक विभागाने पडताळणीअंती गुन्हा दाखल केला आहे. (case against two in connection with bribery of 5 lakhs nashik bribery crime news)

विभागीय सहनिबंधक कार्यालयातील सहकार अधिकारी भीमराव यशवंत जाधव (वय ४५), वरिष्ठ लिपिक अनिल नथ्थुजी घरडे (५२) अशी दोघा लाचखोर संशयितांची नावे आहेत.

तक्रारदार हे को- ऑप क्रेडिट सोसायटीचे क्लार्क असून सोसायटीचे नियमानुसार सभासद यांनी कर्ज भरले नाही म्हणून सभासदाचे घर लिलाव विक्रीचा आदेशाविरुद्ध विभागीय सहनिबंधक कार्यालयात रिव्हिजन दाखल केली.

सदर प्रकरणाची चौकशी कार्यालयात सुरू होती. यात निकाल तक्रारदारच्या को- ऑप क्रेडिट सोसायटीचे बाजूने देण्यासाठी लाचखोरांनी तक्रारदारकडे ६ लाख रुपयाची मागणी केली. ७ व ८ डिसेंबर रोजी पडताळणी कारवाईत तक्रारदारच्याकडे तडजोडी अंती ५ लाख रुपये लाचेची मागणी केली.

या प्रकरणी मुंबई नाका पोलिसात गुन्हा दाखल करण्यात आला आहे. पोलिस निरीक्षक नीलिमा डोळस, पोलिस नाईक संदीप हांडगे, सुरेश चव्हाण यांनी ही कारवाई केली.