नाशिक : रिक्षा वा बस प्रवासादरम्यान महिलांचे दागिने वा पर्समधील रोकड लंपास करण्याचे प्रकार सातत्याने घडत असताना, आता बसमध्ये चढताना गर्दीचा गैरफायदा घेत एका महिलेच्या गळ्यातील ७० हजारांची सोन्याची पोत चोरट्यांनी लंपास केली.
हा प्रकार शालिमार चौकात घडला असून, याबाबत भद्रकाली पोलिसांत गुन्हा दाखल झाला आहे. (chain snatching of woman while boarding bus nashik crime Latest Marathi News)
ममता कुलकर्णी (रा. वास्तू क्लासिक सोसायटी, गणेशनगर, काठे गल्ली, द्वारका) शनिवारी (ता. ३०) सायंकाळी पाचच्या सुमारास द्वारका येथे जाण्यासाठी शालिमार चौकातील शहर बसथांब्यावर आल्या.
द्वारकाकडे जाणाऱ्या बसमध्ये त्या चढत असताना, गर्दीचा गैरफायदा घेऊन चोरट्यांनी त्यांच्या गळ्यातील ७० हजार रुपयांची सोन्याची पोत हातोहात लंपास केली. ही बाब लक्षात आल्यानंतर त्यांनी भद्रकाली पोलिसांत तक्रार दिली. त्यावरून गुन्हा दाखल झाला असून, पोलिस नाईक एस. आर. नाईक तपास करीत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.