"त्या औषध विक्रेत्याच्या मृत्यूला कारण कोरोना असेल तर..?".गावात उलट-सुलट चर्चा 

नाशिक : सुरगाणा शहरातील औषध विक्रेता जयवंत वाघ यांचा मृत्यू कोरोनाने झाला का ? यकृत विकाराने या बाबतीत शहरात व तालुक्यात उलटसुलट चर्चा होत आहे. कोरोनामुळे मृत्यू झाला असेल तर तालुक्यात कोरोनाचा पहिला बळी ठरु शकतो.या बाबत शासनाने स्पष्टीकरण द्यावे अशी मागणी होत आहे. 

सुरगाणा शहरात शोककळा

गेल्या पंचवीस ते तीस वर्षापासून जयवंतराव शिवाजी वाघ वय 55 रा.  गणेश खेडगाव हे औषध विक्रेते व्यवसाय करीत होते. गणेश मेडीकल नावाने संपुर्ण तालुक्यात परिचित होते.त्यांना पाच ते सात वर्षापासून काविळी व  यकृताचा विकार बळावलेला होता.त्याच्यावर उपचार सुरू होते.मात्र त्याचवेळी त्यांचा नाशिक येथे कोविड रुग्णांशी संपर्क आल्याने कोरोनाची बाधा झाली होती. त्यांच्यावर नाशिकमध्ये अशोका रुग्णालयात उपचार सुरू होते. उपचारानंतर कोरोनामुक्त झाल्यानंतर त्यांना घरी सोडण्यात आले होते.मात्र त्यांना यकृताचा विकार आधीच जडलेला असल्याने अखेर मृत्यूने त्यांना कवटाळले. त्यांच्या निधनाने सुरगाणा  शहरात शोककळा पसरली असून दुकाने बंद करुन  शोक व्यक्त करण्यात आला.त्यांच्या पश्चात पत्नी,मुलगा,मुलगी असा परिवार आहे.

संपादन - ज्योती देवरे

हेही वाचा > VIDEO : आश्चर्यच! एकीकडे रुग्णांसाठी खाटांची वणवण...अन् दुसरीकडे आयसोलेशन कोचेसचा प्रशासनाला विसर?

हेही वाचा > झोळीत असतानाच नियतीने हिरावले पितृछत्र...आज त्याच लेकीच्या यशाने माऊलीच्या होते डोळ्यात आनंदाश्रू