'ऑक्सिजन सिलेंडरचे दर नियंत्रणात आणा'; राष्ट्रवादीचे अन्न व औषध प्रशासनाला साकडे

नाशिक : कोरोनाबाधितांची संख्या वाढत असल्याने रुग्णांना द्रवरूपातील ऑक्सिजनची गरज भासत आहे. बाजारात द्रवरूपातील ऑक्सिजनची मागणीत सातत्याने वाढत असून, सिलेंडरचे दर वाढविण्यात आले आहे. त्यामुळे अवाजवी दर नियंत्रणात आणताना ऑक्सिजनचा पुरवठा सुरळीत करावा, अशी मागणी राष्ट्रवादी कॉंग्रेसतर्फे अन्न व औषध प्रशासन विभागाच्या सहआयुक्त माधुरी पवार यांच्याकडे सोमवारी (ता. 7) निवेदनाद्वारे करण्यात आली. 

किंमतींवर नियंत्रण ठेवण्याची मागणी

नाशिकमध्ये कोरोनाबाधितांची संख्या दिवसेंदिवस वाढत असून, द्रवरूप ऑक्सिजनच्या कमतरतेमुळे रुग्णांना जीव गमवावा लागत आहे. शहरात दोन-तीन दिवसांनी ऑक्सिजनचा पुरवठा होत आहे. कोरोना परिस्थितीत ऑक्सिजनची मागणी दहा पटीने वाढली आहे. यात दोन-तीन दिवसानंतर लिक्विड ऑक्सिजनचा पुरवठा कमी प्रमाणात होत असून, वाढत्या रुग्णांची संख्या बघता तो तातडीने वाढविणे गरजेचे झाले आहे. राज्याचे आरोग्यमंत्री राजेश टोपे यांनी वैद्यकीय प्राणवायू उत्पादन करणाऱ्यांना वैद्यकीय क्षेत्रासाठी ८० टक्के आणि उद्योगांसाठी २० टक्के प्राणवायू देण्याचे बंधनकारक केले आहे. त्यानुसार पुरवठा करावा व किमतींवर नियंत्रण ठेवण्याची मागणी करण्यात आली. 

हेही वाचा > गोणीतून चिमुरड्याचा आवाज येताच ते थबकले...अमानवीय घटनेने नागरिकांत संताप

यावेळी शहराध्यक्ष रंजन ठाकरे, राष्ट्रवादी युवक कॉंग्रेसचे शहराध्यक्ष अंबादास खैरे, सातपूर विभाग अध्यक्ष जीवन रायते, सिडको विभागाध्यक्ष मकरंद सोमवंशी, समाधान तिवडे, चेतन कासव, बाळा निगळ, नीलेश भंदुरे, सचिन जोशी आदी उपस्थित होते.  

हेही वाचा >  ब्रेकिंग : रस्त्यावर प्रसुती झालेल्या बाळंतीण महिलेवर डॉक्टरचा दबाव; "महिला रुग्ण व डॉक्टर" मधील वादग्रस्त संभाषणाचा VIDEO व्हायरल

संपादन - किशोरी वाघ