Nashik PSI Convocation Ceremony : प्रशिक्षणार्थी पोलीस उपनिरीक्षकांचा उद्या दीक्षांत सोहळा

नाशिक : येथील त्र्यंबक रोडवरील महाराष्ट्र पोलीस अकादमीतील १२३ व्या प्रशिक्षणार्थी पोलीस उपनिरीक्षकांच्या तुकडीचा दीक्षांत सोहळा येत्या बुधवारी (ता. १७) होत आहे.

या तुकडीतील २४६ पुरुष व ५ महिला असे २५१ पोलीस उपनिरीक्षक राज्याच्या पोलीस दलामध्ये समाविष्ठ होणार आहेत. (convocation ceremony of trainee police sub inspector tomorrow Nashik)

महाराष्ट्र पोलीस अकादमीतील कवायत मैदानावर दीक्षांत सोहळ्याला सकाळी ८ वाजता प्रारंभ होणार आहे. यावेळी सेवानिवृत्त अपर पोलीस महासंचालक व राज्य मानवी हक्क आयोगाचे सदस्य संजय कुमार यांची प्रमुख उपस्थिती असणार आहे.

प्रशिक्षणार्थी उपनिरीक्षकांची संचलन परेडनंतर पारितोषिक वितरण मान्यवरांच्या हस्ते केले जाणार आहे.

दरम्यान, अकादमीतील ही १२३ वी तुकडी असून खात्यांतर्गंत सरळ सेवेतून या प्रशिक्षण सत्रात २५१ पोलीस उपनिरीक्षकांचा समावेश आहे. यामध्ये २४६ पुरुष व ५ महिला प्रशिक्षणार्थी उपनिरीक्षक आहेत.

तसेच, गेल्या ९ महिन्यात या प्रशिक्षणार्थींना भारतीय दंड संहिता, फौजदारी दंड संहिता, विशेष कायदे, सायबर क्राईम, फॉरेन्सीक सायन्स, गुन्हेगारी शास्त्र, कवायत, गोळीबार, शस्त्र कवायत, शारीरिक प्रशिक्षण, योगा आदींचे प्रशिक्षण देण्यात आलेले आहे. यातील सर्वोत्कृष्ठ प्रशिक्षणार्थींना विविध पुरस्कारांना यावेळी गौरविले जाणार आहे.