खामखेडा (जि. नाशिक) : मालेगाव तालुक्यातील अनेक गावांमध्ये बुधवारी (ता. ८) सायंकाळच्या सुमारास मेघगर्जनेसह वादळी वारा आणि पावसाने अर्धा तासातच नागरिकांची दैना उडवली. मुंगसे येथील मुक्ताबाई सूर्यवंशी व पोपट सूर्यवंशी यांच्या डाळिंब बागेचे मोठ्या प्रमाणात नुकसान झाले आहे.
डाळिंब बागेतील शंभरहुन अधिक झाडे उन्मळून पडली आहेत. श्री. सूर्यवंशी यांच्या घराशेजारील चाळीस वर्षाचे लिंबाचे झाड देखील जोरदार वाऱ्याने उन्मळून पडल्याने घराचे नुकसान झाले. पावसापेक्षा वादळी वाऱ्याचा वेग अधिक असल्याने मुंगसे व कौळाणे परिसरातील आणि शेतीतील मोठमोठी झाडे मोडून पडली. कौळाणे शिवारातील मुक्ताबाई सूर्यवंशी यांच्या गट नं. १७६ मधील दोन एकर डाळिंब बागेतील झाडे उन्मळून पडली. बहार असल्याने व जोराचा वारा असल्याने अनेक झाडे जमिनदोस्त झाली. परिसरात अनेक वीजचे खांब वाकले आहेत. तर मोठे निंब, बाभळीची झाडे मुळासकट उपटून पडली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
