Nashik News : नापास झाल्याने डिप्लोमा विद्यार्थिनीची आत्महत्या

Nashik News : नाशिक रोड परिसरातील १९ वर्षीय विद्यार्थिनीने डिप्लोमाच्या अखेरच्या वर्षात तीन विषयात नापास झाल्याने आत्महत्या केल्याचा प्रकार उघडकीस आला आहे. या घटनेमुळे हळहळ व्यक्त होते आहे. (Diploma student commits suicide due to failure Nashik News )

मृणाल काशिनाथ जाधव (१९, रा. एमएसईबी कार्यालयाजवळ, आदर्शनगर) असे मृत विद्यार्थिनीचे नाव आहे. मृणाल ही मातोश्री पॉलिटेक्निक कॉलेजमध्ये डिप्लोमाच्या तिसऱ्या वर्षात शिकत होती.

तिने तिसऱ्या वर्षाचे पेपर दिले असता निकाल लागल्यावर तीन विषय नापास झाल्याने ती नैराश्यात होती.

हेही वाचा : Credit Card फसवणूक....काय घ्याल काळजी?

त्यामुळे तिने शुक्रवारी (ता. ४) घरी असताना सायंकाळी साडेपाचपूर्वी गळफास लावून घेतला. तिच्या पश्चात आई, वडील, भाऊ असा परिवार आहे. भाऊ १५ वर्षांचा असून वडील मुंबईत खासगी नोकरी करतात.

घटनेची माहिती कळताच उपनगर पोलिस ठाण्याचे वरिष्ठ निरीक्षक विजय पगारे, सहायक निरीक्षक चौधरी व पोलिस नाईक एस. ए. हिवाळे दाखल झाले. अंमलदारांनी पंचनामा करून मृतदेह उत्तरीय चाचणीसाठी जिल्हा रुग्णालयात दाखल केला. उपनगर पोलिसांत आकस्मिक मृत्यूची नोंद करण्यात आली आहे.