esakal | नाशिक : हेल्मेट नसेल तर वाहन जप्त; चालकांचे सक्तीने होणार समुपदेशन
sakal

बोलून बातमी शोधा

police action against non helmet users in nashik

हेल्मेट नसेल तर वाहन जप्त; चालकांचे सक्तीने होणार समुपदेशन

sakal_logo
By
विनोद बेदरकर

नाशिक : शहरात दुचाकी वाहनचालकांच्या सुरक्षेसाठी पोलिस आयुक्तांनी हेल्मेट सक्तीचा निर्णय घेतला आहे. मात्र त्यानंतरही अनेक जण हेल्मेट वापरत नसल्याचे पुढे आले आहे. त्यातूनच मागील एकट्या ऑगस्ट महिण्यात आणखी ९ वाहनचालकांचा हेल्मेटअभावी मृत्यु झाल्याने आता पोलिसांनी विना हेल्मेट दुचाकीचालकांना समुपदेशन प्रमाणपत्र सक्तीचे केले आहे.

कारवाईसाठी पोलिसांचे भरारी पथक

शहरात विना हेल्मेट पकडलेल्या दुचाकीचालकांना पोलिस गाडीतूनच मुंबई नाका येथील ट्रॅफीक पार्कमध्ये नेले जाणार असून तेथे दोन तासांचा समुपदेशन अभ्यास पूर्ण करावा लागणार आहे. दोन तासांच्या अभ्यासानंतरचे प्रमाणपत्र घेतल्यानंतर पून्हा सुटका होणार आहे. शहर वाहतुक शाखेने हा निर्णय घेतला आहे. येत्या गुरुवार (ता.९) पासून नाशिक शहरात या निर्णयाची अंमलबजावणी होणार आहे. विना हेल्मेटधारी चालकांवरील कारवाईसाठी पोलिसांनी भरारी पथक तयार केली आहे. रस्त्यावर बॅरीगेटींग करुन अशा विना हेल्मेटधारी चालकांचा शोध घेऊन पोलिस कारवाई करणार आहेत.

हेही वाचा: विकासाची स्वप्ने गाजराची पुंगी ना ठरो..!

शहरात मुंबई नाका परिसरात नाशिक फर्स्ट संस्थेतर्फे वाहातूक पार्क उभारलेले आहे. तेथे वाहन चालकांना परवाना काढण्यापूर्वी प्रशिक्षणाची सोय असून ऑनलाईन प्रमाणपत्र बंधनकारक आहे. त्याच धर्तीवर आता पुढचा भाग म्हणून विनाहेल्मेट चालकांना या केंद्रावर पोलिस गाडीतून आणले जाईल. त्यानंतर संबधितांना वाहातूक पार्क केंद्रात दोन तासाचे समुपदेशन केले जाईल. समुपदेशन झाल्यानंतर तेथील प्रमाणपत्र दाखविल्यानंतच पोलिस जप्त केलेले वाहन परत करणार आहे.

हेही वाचा: नाशिक : कांद्यांची आवक घटूनही बाजार भाव घसरलेलेच

loading image
go to top