महागाई सोसवेना; नाशिकमध्ये साडेचार लाखाचे खाद्यतेल चोरीला

नाशिक : होलसेल किराणा दुकानाचे शटर कोयंडा कापून चोरट्यांनी विविध कंपनीचे साडेचार लाख रुपये किमतीचे खाद्यतेल व साबुदाणा, रोख रक्कम चोरुन नेली. याप्रकरणी पंचवटी पोलिस ठाण्यात याप्रकरणी गुन्हा दाखल करण्यात आला आहे.

दिंडोरी रोडवरील शरदचंद्र पवार मार्केट यार्डमध्ये जितेंद्र भंडारी यांचे होलसेल किराणा दुकान आहे. १० ते ११ मे दरम्यान चोरट्यांनी त्यांच्या दुकानाचे शटरचा कोयंडा कापून दुकानात प्रवेश केला. दुकानातून विविध कंपनीच्या गोडतेलाचे १२५ डबे, ५ लिटरचे तेलाचे ४८ कॅन, १ लिटर पाऊच ४० बॉक्स, शाबुदाण्याचे ८ कट्टे आणि रोख दहा हजार रुपये असा ४ लाख ७६ हजार ५६० रुपये किमतीचा मुद्देमाल चोरून नेला.