येवल्यातील ८ केंद्रांना लसीचे २१०० डोस प्राप्त; केंद्रांवर लसीकरण पुन्हा सुरु

लसींचा साठा वाढवून देण्याची मागणी होत आहे.
corona vaccination
corona vaccinationcorona vaccination

येवला (जि. नाशिक) : गेले दोन दिवस लस संपली होती. सोमवारी (ता.२६) तालुक्यासाठी २१०० लसीचे डोस प्राप्त झाले असून, नव्याने राजापूरच्या प्राथमिक आरोग्य केंद्रांतही लसीकरण केले जाणार आहे.

सोमवारी तालुक्यातील अंदरसूल, भारम, सावरगाव, पाटोदा, मुखेड व राजापूर या प्राथमिक आरोग्य केंद्रांसाठी प्रत्येकी ३०० डोस तर शहरातील उपजिल्हा रुग्णालयासाठी २०० तर शहरातील साई सिद्धी मल्टीस्पेशालिटी हॉस्पिटलसाठी १०० असे एकूण २१०० लसीचे डोस उपलब्ध झाल्याने प्रत्येक केंद्रावर पुन्हा लसीकरण सुरु आले. तालुक्यातील राजापूर येथील प्राथमिक आरोग्य केंद्रावर लसीकरण सुरु करण्याच्या परिसरातील नागरिकांच्या मागणीची दखल घेण्यात आली असून, या केंद्रासाठी देखील २०० डोस प्राप्त आहेत. राजापूर येथील नव्याने सुरु होणारे हे लसीकरण केंद्र मंगळवार (दि.२७) पासून सुरु होणार असल्याची माहिती तालुका आरोग्य अधिकारी शरद कातकाडे यांनी दिली. दरम्यान, तालुक्यातील प्रत्येक प्राथमिक आरोग्य केंद्र तसेच उपजिल्हा रुग्णालयातील केंद्रावर लसीकरणासाठी होणारी नागरिकांची गर्दी लक्षात घेता प्राप्त झालेले लसीचे डोस कमी पडणार आहेत. त्यामुळे लसींचा साठा वाढवून देण्याची मागणी होत आहे.

corona vaccination
मुले असूनही ती ठरली बेवारस! ओझरकरांनी माणुसकी दाखवत केले अंत्यसंस्कार

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com