Nashik : भर पावसात माजी नगरसेवक उतरले रस्त्यावर

पंचवटी (जि. नाशिक) : गेल्या चार दिवसांपासून पावसाची (rain) संततधार सुरू आहे. सोमवारी (ता. ११) पावसाने चांगलाच जोर धरला होता. या पावसामुळे प्रभाग पाचमधील तारवालानगर रिंग रोडवरील छात्रवीर छत्रपती संभाजी राजे चौकात भरपूर पाणी साचले होते.

त्यामुळे तेथून मार्गक्रमण करताना वाहनधारक तसेच पादचाऱ्यांना मोठा त्रास सहन करावा लागत होता. (Ex corporator jagdish patil take to streets in heavy rains for help people nashik Latest Marathi News)

सदर बाब माजी नगरसेवक जगदीश पाटील यांना समजताच त्यांनी नाशिक महापालिकेच्या संबंधित अधिकारी वर्गास तातडीने पाचारण केले आणि त्यांनी स्वतःदेखील याठिकाणी धाव घेतली. चौकात साचलेले पाणी काढून देत रस्ता मोकळा करण्यासाठी पाटील हे भर पावसात थांबून होते.

अखेर साचलेले पाणी कमी झाले व वाहनधारक आणि पादचाऱ्याचा मार्ग सुकर झाला. वरवर बघता ही बाब तशी विशेष वाटत नसली तरी सध्या मनपात प्रशासकीय राजवट सुरू असताना अखेर एका माजी नगरसेवकालाच रस्त्यावर उतरावे लागल्याने या घटनेतून नगरसेवकांचे महत्त्व अधोरेखित झाले आहे.